Халқ таълими вазирлиги, Республика болалар кутубхонаси, Ёзувчилар уюшмаси ва “Тонг юлдузи” газетаси ҳамкорлигида Ўзбекистон Мустақиллигининг 24 йиллигига бағишлаб “Мустақиллик мадҳи болалар ижодида” Республика ижодий ишлар кўрик-танлови ўтказилди.

Ушбу танлов умумтаълим мактабларининг 1-9-синф ўқувчилари ўртасида 3та йўналиш: тасвирий санъат, шеърият ва ҳикоя йўналишида ўтказилиб, унда ўқувчилар ўзларининг Она-ватан, мустақиллик, таълим муассасалари ҳақидаги ижодий ишлари билан иштирок этдилар.

Бешинчи марта ўтказилаётган мазкур танловга шу кунгача 1722 нафар ўқувчилардан ижодий ишлар келиб тушган бўлиб, улар орасидан энг яхши ижод намуналари “Тонг юлдузи” газетасида мунтазам чоп этилди.

Танлов ғолиблари диплом ва қимматбаҳо совғалар билан тақдирланди, деб хабар қилади Халқ таълими вазирлигининг ахборот хизмати.