АҚШ Европада 12 та A-10 Thunderbolt II ҳужумчи самолётларини жойлаштиради. Бу самолётларга шахсий таркибнинг 300 ходими хизмат кўрсатади, деб хабар берди ТАСС ахборот агентлиги мухбирига АҚШ қуролли кучларининг Европадаги қўмондонлиги матбуот хизмати. 

“АҚШ ҳарбий-ҳаво кучлари бутун Европа бўйлаб базаларда НАТОнинг Operation Atlantic Resolve машғулотлари доирасида хавфсизликни таъминлаш чораларини давом эттириш мақсадида 12 та A-10 Thunderbolt II самолётларини жойлаштиради. Учиш экипажининг 300 га яқин аъзоси ва қўшимча қурилмалар АҚШ ҲҲКларнинг Муди авиабазасидаги 23-авиақанотнинг ҳужумчи самолётлари билан бирга юборилади”, деб айтди АҚШ ҲҲКнинг жамоатчилик билан алоқаларга жавоб берувчи ходими, подполковник Дэвид Вестовер.

Унинг айтишича, самолётлардан АҚШ ва НАТОдаги иттифоқчиларнинг биргаликдаги машғулотларида фойдаланилади. Маълумотларга кўра, самолётлар йил охирига қадар Марказий ва Шарқий Европа давлатларида пайдо бўлиши керак.

НАТО Operation Atlantic Resolve машғулотлари Украинадаги вазият туфайли НАТОнинг Шарқий Европадаги аъзо давлатларига кафолат бериш мақсадида бошланди.