Фарғонанинг Ўзбекистон туманида истиқомат қилувчи Умарали Абдураҳмонов танишига марихуана моддасини сотаётганида қўлга тушди. Бу ҳақда “Ҳуқуқ” нашри хабар бермоқда.

Абдураҳмонов ўз турмуш ўртоғи Ҳаётхоннинг қариндошлариникига ўғриликка тушишда бир неча бор гумон қилинган бўлса ҳам, лекин қариндошлар унинг устидан арз қилмаётган эди. Дастлаб у қариндошларидан бирининг уйидан 400 минг сўмлик тилла бюум ўғирлаган. Қайноғасининг уйидан 1.2 млн сўмлик тилла буюмлар олган.

Жанжаллашиб кетиб қолган рафиқасини қайтариш баҳонасида қайнотасининг уйига борган куёв у ердан ўз рафиқасининг тиллаларини ўғирлаб кетди. Шундан сўнг унинг устидан тегишли жойга ариза топширилди.

Милиция Абдураҳмоновни қидириб келиб, уни айни марихуана сотаётганида қўлга олди.
Жиноятчи 5 йил муддатга озодликдан маҳрум қилинди.