Жиззах вилояти Ғаллаорол туманидаги умумтаълим мактабларидан бирининг бошланғич синф ўқитувчиси Нилуфар Абдураимованинг дипломи сохта бўлиб чиқди. Бу ҳақда “Ҳуқуқ” нашри ёзмоқда.

Абдураимова Низомий номидаги Тошкент давлат педагогика университетининг 1998 йили топширилган “Бошланғич таълим ва тарбиявий иш” мутахассислиги бўйича дипломига эга эди. Мана шу диплом билан у узоқ йиллар ишлаб келган эди. Аниқланишича, у олийгоҳда ҳеч қачон ўқимаган бўлиб, дипломни шунчаки сотиб олган экан.