Жиззахлик уч биродар маст ҳолда ҳунармандни тунаб, жавобгарликка тортилди. Бу ҳақда “Ҳуқуқ” нашри ёзмоқда.

Айтилишича, Шерзод, Саидкомил, Дилшод исмли йигитлар улардан бирининг уйида тўпланиб, ароқ ичишган. Ичимлик тугагач, уни сотиб олишга пуллари йўқ биродарлар кўчада “ўлжа” қидира бошлаганлар ва дўппи, телпак, маҳси сотиб юрган одамга дуч келишган. Дўстлар Азим Алимов исмли одамни турли йўллар билан алдаб, унинг қўлидаги молларини ўғирлаб кетишган.

Алимов дарҳол ҳуқуқ-тартибот идораларига мурожаат қилган. Йигитлар унинг маҳсулотини сотишга улгурмасдан милиция томонидан қўлга олинган.