Куба ҳукумати АҚШнинг Майами билан Кубани боғловчи ва интернетга кириш сифатини яхшилашга имкон берувчи интернет-кабелни ўтказиш бўйича таклифини кўриб чиқмоқда. Бу ҳақда Nuevo Gerald газетасига иқтибос келтирган ҳолда ТАСС ахборот агентлиги хабар бермоқда.  

АҚШ Давлат котибининг маслаҳатчиси ва халқаро коммуникация ва ахборот сиёсати бўйича координатор Даниэль Сепульведа Гаванага ташриф буюрди. Унинг айтишича, Куба ҳукумати 2020 йилга қадар аҳолининг 60 фоизини мобиль интернет ва ярмини уйда интернетга уланиш билан таъминлашни режалаштираётганини маълум қилди.    

Айни пайтда интернетга кириш қиммат турувчи йўлдошли алоқа ва Венесуэланинг оптик-толали кабели орқали амалга оширилмоқда, бироқ Кубанинг ички телекоммуникацион инфратузилмаси етарлича яхши ривожланмаган, мамлакатда телефон кабелининг имкониятларидан ҳам тўла фойдаланилмайди. 

2014 йил бошида Европадан Бразилияга сув ости интернет-кабели ўтказилиши бошланган эди. Ундан 2016 йилдан фойдаланиш бошланиши керак.