Ягона интерактив давлат хизматлари порталида Ички ишлар вазирлиги Кириш-чиқиш ва фуқароликни расмийлаштириш бошқармаси томонидан кўриб чиқилаётган ҳуқуқбузарликлар ва жарималар миқдори тўғрисида маълумотни эълон қилди.
Унда Ўзбекистон Республикасининг Маъмурий жавобгарлик тўғрисидаги Кодекси моддалари, ҳуқуқбузарлик тури, энг кам иш ҳақининг миқдорида жарима қийматлари белгиланган. Жумладан, паспорт тизими қоидаларини бузиш, чегара зонасига, шунингдек фуқароларнинг кириши ва бўлишига вақтинча чеклов белгиланган жойларга кириш ҳамда уларда яшаш қоидаларини бузиш, Ўзбекистон Республикасида бўлиш қоидаларини бузиш, чет элга чиқиш учун ҳужжатларни расмийлаштириш тартибини бузиш учун белгиланган жарималар миқдори санаб ўтилган.
Эслатиб ўтамиз, ушбу жарималар энг кам иш ҳақининг миқдорида тайинланган бўлиб, 2015 йил 1 сентбярдан бошлаб Ўзбекистонда ҳудудида энг кам иш ҳақи ойига 130240 сўм деб белгиланган.