18 сентябрь куни Қатар Юлдузлар Лигасида 2-тур учрашувлари ўтказилди.

Тур доирасидан ўрин олган ўйинлардан бири “Ал Жайиш“ ва “Ал Сайлия“ жамоалари ўртасида кечди. Унда ўйин давомида катта устунликка эга бўлган мезбонлар йирик 4:0 ҳисобида ғалабага эришди.

Ушбу ўйинни илк дақиқалардан асосий таркибда бошлаган ўзбекистонлик Сардор Рашидов Қатар Юлдузлар Лигасидаги илк голини уришга муваффақ бўлди.

Ўзбекистон миллий терма жамоаси ярим ҳимоячиси мазкур ўйиннинг 10-дақиқасида жарима майдони ташқарисида туриб рақиб дарвозасини ишғол этди ва ўзининг Қатар чемпионатидаги голлари ҳисобини очди. Сардор учрашувнинг иккинчи бўлимида Муҳаммад Жидога ўз ўрнини бўшатиб берди.

Ал Жайиш – Ал Сайлия 4:0
Голлар: Сардор Рашидов (10), Абдулраззоқ Ҳамдуллоҳ (36, 51), Ромарио (81)
Ал Жайиш: Ҳалифа Абубакр Ндиае, Весам Ризиқ, Мурод Нажи, Лукас Мендес, Ёсир Абубакр Исо, Абдулраззоқ Ҳамдуллоҳ (Мажид Муҳаммад), Сардор Рашидов (Муҳаммад Жидо), Отман Ал Яхри, Абдулраҳмон Муҳаммад, Ҳолди Абдулрауф, Ромарио Силва.