АҚШ давлат котиби Жон Керри ўзининг сиёсий масалалар бўйича янги ўринбосари этиб Том Шэннонни тайинлади.

Шэннон – кадрлар масаласидаги дипломат бўлиб, элчи даражасига эга. Ҳозирга қадар у АҚШ давлат департаменти маслаҳатчиси лавозимида ишлаган. Бунга қадар эса Бразилияда элчи бўлган. Ундан аввалроқ АҚШ давлат котибининг Ғарбий ярим шар бўйича ёрдамчиси сифатида фаолият кўрсатган.

Керри Шэнноннинг нафақат Лотин Америкасини балки Яқин Шарқ, Африка, Жануби-Шарқий Осиё ва бошқа минтақаларга оид масалаларни ҳам яхши тушунишини таъкидлаган.

Давлат котибининг сиёсий масалалар бўйича ўринбосар лавозими, АҚШ ташқи сиёсат маҳкамасидаги учинчи даржадаги ўрин ҳисобланади. Эндиликда Шэннон номзоди Конгресс сенати томонидан тасдиқланиши лозим. Шундан сўнг у амалдаги ўринбосар Уэнди Шерман ўрнини эгаллайди.

Маълумот учун, Шэннон 1980 йилда АҚШдаги етакчи ўқув юртларидан бўлган “Уильям энд Мэри” (Виржиния штати) коллежини тамомлаган. Бундан ташқари Оксфордда ўқиган. Испан ва португал тилларини билади.