Туркманистон президенти Гурбангули Бердимухаммедов 18 сентябрь куни ўтказилган ҳукумат йиғилишида барчанинг эътиборини миллий таълим соҳасига қаратган.

Қайд этилишича, Туркманистоннинг халқаро муносабатлари кенгайиши давомида туркманларнинг хориж тилларини ўрганиши кучайтирилади. Президент бу соҳа билан шуғулланиш вазифасини бош вазир ўринбосари С. Тўйлиев зиммасига юклаган.

Хусусан, япон ва хитой тиллари ОЎЮларнинг филология факультетларидан ташқари иқтисодиёт, техник ва бошқа факультетларда ҳам ўқитилиши бошланади.

Туркманистон давлат ахборот агентлигининг хабарига кўра, мамлакатдаги мактабларда ҳам 5-синфдан бошлаб япон ва хитой тилларини ўқитишни жорий этиш лойиҳаси ишлаб чиқилмоқда ва бу лойиҳа яқин вақт ичида амалиётга татбиқ этилади.