Обама маъмурияти Сурия можаросини ҳал этишда Россияга мағлуб бўлмоқда, дея ёзди Американинг The Washington Post нашри.

Газетанинг қайд этишича, президент Обама ва унинг ташқи сиёсат бўйича жамоаси яна бир марта боши берк кўчага кириб қолди.

WP нашрининг ёзишича, Путин келгуси ҳафтада БМТга Россияни ИШИДга қарши янги халқаро коалициянинг асосий аъзоси этиб тайинлашни таклиф қилиши мумкин, Обама олиб бораётган уруш эса ҳеч қандай натижа бергани йўқ.

Қайд этилишича, қочоқлар сабабли айбдорлик ва қўрқув туйғулари ичида қолган Европага Путин чиқиш йўлини кўрсатмоқда: ҳеч қандай уруш йўқ, ҳеч қандай қочқинлар ҳам.

The Washington Post қарашига кўра, Россиянинг Сурия стратегияси иш бермаслиги мумкин, аммо у жуда жиддий ва мантиққа тўла мос келади.