Япония Ташқи ишлар вазирлигида вазирлик раҳбари Фумио Кисиданинг 20-22 сентябрь кунларида Россияда расмий ташриф билан бўлиши ҳақида маълумот берилди.

"21 сентябрь куни Сергей Викторович Лавров билан ўтказиладиган учрашувда халқаро муносабатлар юзасидан гаплашилади. Вазирлар "шимолий ҳудуддаги вазият" ва Украина масаласини муҳокама қилишади", деб маълум қилинган Япония ТИВ хабарида.

Ўз навбатида Россия ТИВда бу учрашув "ўзига хос тарихий воқеа" бўлиши айтилган.

Россия ТИВ  маълумотида айтилишича, икки томонлама муносабатлар расмий Токионинг Украинадаги вазият бўйича қўлланган санкцияларга қўшилиши туфайли анча ёмонлашган.