Буркина-Фасо пойтахти кўчаларида содир бўлган тўқнашувлар натижасида 10 киши ҳалок бўлди, дея хабар бермоқда Reuters.

Сўнгги маълумотларга кўра, уч кундан буён давом этиб келаётган тартибсизликлар оқибатида 100дан зиёд киши жароҳат олган.

Намойишчилар мамлакатдаги ҳарбий давлат тўнтарилишига қарши норозилик билдириб кўчаларга чиқишмоқда. Полиция намойишчиларни тарқатиш учун огоҳлантирувчи ўт очган, бунга жавоб тариқасида ҳуқуқни ҳимоя қилиш органлари ходимларига тошлар улоқтирилган.

Аввалроқ Буркина-Фасо вақтинчалик парламенти раҳбари Шариф Сай мамлакатда давлат тўнтарилиши содир бўлгани ва унинг бошқарувини ўз қўлига олганини маълум қилган эди. Ҳарбий хизматчилар эса комендантлик соати жорий этилиб, мамлакат чегаралари вақтинчалик бекитилишини эълон қилган.