Малида қуролли ҳужум оқибатида икки нафар полициячи ва икки нафар фуқаро ҳалок бўлди, деб хабар бермоқда маҳаллий полиция ходимига иқтибос келтирган ҳолда “Франс Пресс” ахборот агентлиги.

Полициячининг маълумотига кўра, воқеа 19 сентябрда Буркина-Фасо чегарасига яқин бўлган қишлоқда содир бўлган.

Жиноятчилар мотоциклдан одамларга қарата ўқ узиб, воқеа жойидан ғойиб бўлган. Бир нафар полициячи ва фуқаро олинган жароҳатлардан воқеа жойида, қолган икки қурбон кейинроқ ҳалок бўлган.

Полициячининг таъкидлашича, жиноятчилар “Ке-Масинани озод қилиш фронти” деб номланувчи янги эсктремистик гуруҳ аъзолари бўлиши мумкин. Полиция ходимлари гуруҳнинг базаси Буркина-Фасода жойлашгани эҳтимоли бўйича тергов ўтказмоқдалар.