Қўшма Штатлар ва Хитой яқин кунларда тезкор тартибда киберхавфсизлик бўйича музокаралар ўтказиб, мазкур соҳада шартнома имзолашни мўлжалламоқда. Бу ҳақда шанба, 20 сентябрь куни New York Times маълум қилди.

Нашрнинг вазиятдан хабарор бўлган ахборот манбасига асосланиб хабар беришича, томонлар эришишга ҳаракат қилаётган шартномада тинчлик вақтида дунёнинг бошқа давлатларидаги ниҳоятда муҳим объектлар инфратузилмаларига ҳар икки мамлакатнинг киберҳужумларни биринчи бўлиб бошламаслик шарти белгилаб қўйилади.

New York Times`нинг маълум қилишича, мазкур шартнома келгуси ҳафтада ХХР раиси Си Цзиньпиннинг АҚШга ташрифи доирасида имзоланиши мумкин.

Газетанинг қайд этишича, ниҳоятда муҳим объектларга электростанциялар, шифохоналар ва телефон тармоқлари ва бошқалар мансуб.

Сўнгги вақтларда АҚШ маъмурияти тез-тез киберхуружлар нишонига айланмоқда. Сўнгги марта сентябрь ойида хакерлар Ҳарбий кучлар Раҳбарлар штаби қўмитаси электрон почтасига ҳужум қилиб, 25 млн нафардан зиёд давлат хизматчиларининг шахсий маълумотларини ўғирлаган.

АҚШ Миллий разведкаси директори Жеймс Клэпер ходимлар маълумотлар базасига бузиб киришлар учун жавобгарликни хитойлик хакерлар зиммасига юклаган. Пекин эса ушбу айбловни қатъий равишда рад этган.