Афсонавий The Beatles британ гуруҳи аъзоларининг овоз ёзиш студияси билан тузган биринчи шартномаси 19 сентябрда Нью-Йоркдаги аукционда 93,7 минг долларга сотилди. Бу ҳақда савдоларни уюштирган Heritage аукцион уйининг вакиллари маълум қилишди.

Олти саҳифадан иборат ва немис тилида тузилган ушбу шартнома гуруҳ ва Polydor овоз ёзиш студияси вакили германиялик продюсер Берт Кемпферт билан тузилган. Шартнома савдоларда интернет орқали қатнашган номаълум харидорга ўзининг дастлабки эълон қилинган нархи – 150 минг доллардан камроқ нархга сотилди.