"ПСЖ" жамоаси ҳужумчиси Златан Иброҳимович "Реймс"га қарши ўтказилган ўйиндан кейин журналистларга интервью берди.

"Мен жароҳатимдан бутунлай тузалдим. "Реймс"га қарши ўйинда ҳам гол уришим мумкин эди, лекин имкониятдан фойдалана олмадим.
Мухлислар мендан хавотирланишмасин. Златан ҳеч қаерга йўқолиб қолгани йўқ", дейди футболчи.

Қайд этиш керакки, швециялик 31 ёшли ҳужумчи янги мавсумда ҳали ўз голлари ҳисобини оча олмади.

19 сентябрь куни "Реймс" билан ўтказилган ўйинда ҳам у гол уравермагач, ўйинга захирадан "ПСЖ"нинг иккинчи ҳужумчиси Эдинсон Кавани туширилди ва айнан уругвайлик футболчи ҳисобни тенглаштирувчи гол муаллифига айланди.