Беларусда Россия ҳарбий авиабазасининг яратилиши Польша ва Болтиқбўйи давлатларининг “асабига тегади”, деб ҳисоблайди The Daily Mail.

Ўтган жума Владимир Путин Беларусда авиабаза яратиш бўйича келишув имзоланиши ҳақида кўрсатма берди. Россиянинг бундай зонани танлашига сабаб Беларуснинг Украина ҳамда НАТОнинг уч аъзоси – Литва, Латвия, Польша билан умумий чегараларга эга эканлигидир.

Аммо бу ҳолат Болтиқбўйи давлатлари раҳбариятининг хавотирига сабаб бўлмоқда.
Беларусь президенти Александр Лукашенко мамлакат ҳудудида Россия базасининг очилиши ҳақидаги ахборотга ҳозирча ҳеч қандай муносабат билдирмади.