МАГАТЭ бош директори Юкия Амано Эроннинг Парчин шаҳридаги ҳарбий объектга ташриф буюрди. Эрон узоқ вақт давомида бу объектга маълум қилинмаган ядровий фаолиятни текшириш учун кирмоқчи бўлган агентлик ходимларини қўймаган. Бу ҳақда МАГАТЭ сайтида маълум қилинди.   

Сайтдаги хабарда қайд этилишича, Амано Теҳронга ташрифи давомида Эрон президенти Ҳасан Руҳоний, Эрон атом энергияси ташкилоти президенти Али Акбар Салоҳий ва Эрон ташқи ишлар вазири Муҳаммад Жавод Зариф ҳамда Эрон парламенти аъзолари билан учрашди.

Эроннинг юқори лавозимдаги шахслари билан “қўшма умумий ҳаракатлар режасига мувофиқ, ядро соҳаси билан боғлиқ чора-тадбирларни текшириш ва мониторинг қилиш” муҳокама қилинди.