Нигерияда содир бўлган бир неча терактлар натижасида 50 киши қурбон бўлди, яна 95 киши жароҳат олди.

“Вэнгард” нашрининг хабар қилишича, якшанба, 20 сентябрь куни мамлакат шимоли-шарқидаги Борно штати маъмурий маркази ҳисобланган Майдугури атрофидаги икки шаҳарча – Аджилари ва Бинтуда портлашлар содир бўлган.

Мазкур терактлар учун жавобгарликни ҳеч қайси жиноий гуруҳ зиммасига олмаган.

Майдугури Нигерияда ҳалифалик тузиш ҳаракатидаги жангарилар гуруҳларининг таянч маркази ҳисобланади. “Боко Ҳарам” террористик гуруҳи ҳам мамлакат шимоли-шарқида фаол ҳаракат олиб боради.