Ўзбекистон миллий ҳамда олимпия терма жамоаларининг тайёргарлигини муваффақиятли ташкил этиш мақсадида Ўзбекистон Кубоги финал учрашуви санаси ўзгартирилди. Бу ҳақда ПФЛ сайти хабар берган.

Унга кўра финал учрашуви 17 октябрь куни ўтказилади.

Бундан аввал, Ўзбекистон кубоги учун финал ўйини 13 октябрь куни Жиззахда ўтказилиш ҳақида хабар берилганди.

ПФЛ хабарига кўра, финал учрашуви Жиззах шаҳрида бўлиб ўтиши ҳам тасдиқланган.

Эслатиб ўтамиз, Кубок финалига «Бунёдкор» ҳамда «Насаф» клублари чиққан. Бу жамоалар ўртасидаги учрашув 17 октябрь куни соат 17:00да бошланади.

Шунингдек, Олий Лига 25-тури доирасидаги «Насаф» – «Нефтчи» ҳамда «Динамо» – «Бунёдкор» учрашувлари 16 октябрдан 12 октябрга кўчирилган.