Ўзбекистон ўсмирлар терма жамоаси Осиё чемпионатига йўлланмани қўлга киритди

Спорт 21 Сентябрь 2015 2161

Темур Олимхўжаев бошчилигидаги Ўзбекистон ўсмирлар терма жамоаси Осиё чемпионати-2016 саралаш босқичи доирасидаги учинчи ўйинда ҳам йирик ҳисобда ғалаба қозонди.

Фаластиннинг ар-Рам шаҳрида жойлашган “Файсал ал-Ҳусайн” стадионида Яман ўсмирлар терма жамоасига қарши бўлиб ўтган учрашувда бу сафар Ўзбекистон U-16 терма жамоаси рақиб дарвозасига бешта тўп киритди.

Ҳар икки жамоа ҳам ўтказилган аввалги икки ўйинда ғалаба қозонган ва 6тадан очкога эга бўлиб турганди. Ҳар иккисида ҳам гуруҳдан биринчи ўрин билан Осиё чемпионатига йўл олиш имконияти бор эди. Шу сабабли ўйиннинг дастлабки чораги эҳтиёткорлик билан ўтди.

Шундай бўлса-да, ўйиндаги устунлик ўзбекистонликлар томонида экани яққол кўриниб турганди. Ўйиндаги бу устунликни Ўзбекистон U-16 23-дақиқасида рақиб дарвозасини ишғол қилиш билан мустаҳкамлади. Расул Йўлдошев учрашувдаги дастлабки голни урди. Бироқ орадан ўн дақиқача вақт ўтиб, рақиб жамоа ҳисобни тенглаштиришнинг уддасидан чиқди. Муҳаммад ал-Ҳамдони киритган голга Ўзбекистон ўсмирлар терма жамоаси сардори Абубакр Мўйдинов дарҳол жавоб қайтариб, ҳисобда яна Олимхўжаев шогирдларини олдинга олиб чиқди. Танаффусга чиқиш олдидан Шуҳрат Неъматов ҳам ўз ҳисобига гол ёзиб қўйди. Биринчи бўлим 3:1 ҳисобида Ўзбекистоннинг ғалабаси билан якунланди.

Учрашувнинг иккинчи бўлимида Расул Йўлдошев яна икки бор рақиб дарвозасини аниқ нишонга олди. Бу унинг ушбу саралаш босқичидаги иккинчи хет-трики бўлди. Бирични ўйинда олган жароҳати туфайли Фаластин билан ўйинда майдонга туша олмаган Йўлдошев икки ўйинда 6та гол киритишга мувофақ бўлган.

Учрашувга қўшиб берилган дақиқалар ўтиб бораётган бир пайтда Яман ҳисобдаги фарқни бироз қисқартирди. Мурод Муршид киритган бу гол Яманни йирик ҳисобдаги мағлубиятдан қутқариб қололмади – 5:2.

Ўзбекистон ўсмирлар терма жамоаси, Осиё чемпионати саралашидаги барча ўйинларда йирик ҳисоб билан рақибларини мағлуб этди. Дастлабки ўйинда Мальдив ороллари жамоаси дарвозасига жавобсиз 8та гол урган бўлишса, иккинчи ўйинда Фаластин 6:0 ҳисобида мағлуб этилган эди.

Ўзбекистон U-16 “А” гуруҳи ғолиби сифатида келаси йилнинг 15 сентябридан 2 октябригача Ҳиндистонда ўтказиладиган Осиё чемпионати финал босқичига йўлланмани қўлга киритди.

16 сентябрь

Ўзбекистон - Мальдив 8:0
Яман - Фаластин 2:0

18 сентябрь
Мальдив - Яман 0:6
Фаластин - Ўзбекистон 0:6

20 сентябрь
Ўзбекистон – Яман 5:2
Фаластин – Мальдив 3:0

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 32636 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 13099 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 87457 Ўзбекистон
Янги купюра нарх-навога ўз таъсирини ўтказадими?
Дайжест: Навбатдаги видеоселектор, Қозоғистон билан ҳарбий ҳамкорлик, ЙПХ ходимларига Honda ва куннинг бошқа муҳим хабарлари
22:15 9 Жаҳон
Суарес жароҳат туфайли 4 ҳафтага сафдан чиқди
22:10 192 Спорт
Президент видеоселекторда ички ишлар органлари вакиллари билан соҳа ислоҳотларини муҳокама қилди
Россия вакили биринчи марта телевидение орқали сурияликларга мурожаат қилди
21:55 1042 Жаҳон
Барселонадаги теракт қурбонлари ҳақида илк маълумотлар
21:50 2142 Жаҳон
Солиқ тўламасдан қарздор бўлиб юрган санъаткорлар рўйхати эълон қилинди
Кўпроқ янгиликлар