Беларусда электроэнергетика соҳаси ишчилари ўртасида турнир бўлиб ўтмоқда. Унда Беларусь, Грузия, Россия, Қозоғистон, Ўзбекистон ва Қирғизистон вакиллари иштирок этмоқда. Бу ҳақда Sputnik Беларусь агентлиги хабар бермоқда.

Айтилишича, Брестда ўтказилаётган мусобақа тўртинчи йил кетма-кет ўтказилишидир. Ғолиб номи 26 сентябрь куни маълум бўлади.
Жамоалар биринчи тиббий ёрдам кўрсатишдаги ҳамда назарий билимларни эгаллашдаги маҳоратларини кўрсатиб беришлари талаб этилади. Кузатувчилар сифатида Арманистон ва Молдова вакиллари қатнашмоқда.

Ўзбекистон номидан мусобақада “Ўзбекэнерго” АЖ марказий магистрал тармоқлари жамоаси иштирок этмоқда. Бригадага Екатерина Титухина бошчилик қилмоқда.