Украина президенти Пётр Порошенко ҳарбий хизматга навбатдаги сафарбарликни эълон қилишни режалаштирмаётганини маълум қилди, деб хабар бермоқда РИА “Новости” ахборот агентлиги.       

“Мендан агар фронтда яна кескинлик бўлса, янги сафарбарлик бўладими ёки йўқми,  деб сўрашганда, сафарбарлик зудлик билан эълон қилинади деб айтаман. Бироқ агар тинчлик жараёнлари давом этса, биз сафарбарлик ҳажмини камайтиришимиз мумкин”, деб айтди Порошенко.  

“Яқин орада сафарбарликни эълон қилишни режалаштирмаяпман”, деб таъкидлаб ўтди Украина президенти.

Порошенко, шунингдек, Украинада ҳарбий хизматга чақирув ёши 18 ёшдан 20 ёшгача кўтарилишини айтди.

“Биз чақирувдан бош тортишни режалаштираяпмизми деган саволга, мен унча хуш кўрилмайдиган жавоб – “йўқ” деб жавоб бераман”, деди ва “хизматга чақирилганлар аксилтеррорчилик ҳудудига тушмасликлари кафолатланишини” қўшимча қилди.