Рим папаси Франциск Кубанинг собиқ етакчиси Фидель Кастро билан учрашди, деб хабар бермоқда Ватикан матбуот котибига иқтибос келтирган ҳолда Reuters ахборот агентлиги.

Понтификнинг 89 ёшли инқилобчи билан учрашуви папанинг Гаванага ташрифи давомида юз берди. Учрашув тафсилотлари келтирилмаяпти.

Аввалроқ Рим папаси Кубага ташриф буюргани маълум қилинганди. Папа Кубада 22 сентябргача бўлади. Францискгача Озодлик оролига Рим папаларидан 1998 йилда Иоанн Павел II ва 2012 йилда Бенедикт XVI ташриф буюрган.