Словения ҳукумати Хорватия томонидан мамлакатга келаётган қочқинлар оқими кўпайиб кетгани сабабли чегараларини тўлиқ ёпиб қўйишга қарор қилди, деб хабар бермоқда М1 телеканали. 

“Словения ўз чегарасини автомобиллар ва йўловчилар учун ёпиб қўйди. Словения томонидан Хорватияга эса автомобиллар ўтишда давом этмоқда”, деб маълум қилди телеканал мухбири.

Мухбирнинг таъкидлашича, айни пайтда чегара олдида чегара очилишини кутаётган кўплаб қочқинлар тўпланиб турибди. Жамоатчилик тартибини сақлаш мақсадида чегара бўйлаб словениялик полициячилар қад ростлаган.

Аввалроқ Словения ички ишлар вазири Боштиан Шефиц Словения икки кун ичида 1,5 мингдан кўпроқ мухожирни рўйхатдан ўтказганини маълум қилганди.