Сурияда тинчлик ўрнатиш бўйича ҳар қандай режада амалдаги президент Башар Асаднинг иштироки кўзда тутилиши лозим. Бу ҳақда Эрон ТИВ ўринбосари Ҳусайн Амир Абдуллоҳиён матбуот анжумани чоғида айтиб ўтди.

“Биз Россия ТИВ ўринбосари Михаил Богданов билан Сурия бўйича самарали фикр алмашдик, - деди у. – Биласизки, Эрон ташқи ишлар вазири Жавод Зариф Асад билан учрашув чоғида унга барқарорлаштиришнинг янги сиёсий ғояларини тақдим этди. Асаддан ҳам бу борада жуда яхши ғоялар олинди.

Кеча, 21 сентябрь куни, Москвада бу ғояларнинг барчасини муҳокама қилдик”.
Унинг таъкидлашича, Россия ва Эрон Сурия инқироздан чиқиши учун барча имкониятларни ишга солади.