Интернетда Honda компаниясининг ўз тарихига бағишланган видеоролиги пайдо бўлди. Унда компаниянинг асос солинганидан буён бугунга қадар қилган ишлари қисқа шаклда ифода этиб берилган.

Роликнинг хронометражи салкам 2 дақиқани ташкил этади. Унинг яратувчилари қоғозли инсталляциялар ёрдамида компания турли йилларда ишлаб чиқарган транспорт воситаларини кўрсатиб берганлар. Видео генератор тасвиридан бошланиб, робототехникада якунланади.
Шунингдек, дизайнерлар инсталляцияларда қўлланилган қоғозларга ҳам эътибор беришди: дастлаб

ки эскизлар сепияга туширилган бўлса, охиргилари замонавий қоғозга чизилган эди.
Эслатиб ўтамиз, Honda Motor халқаро саноат компаниясига 1948 йилда автомеханик Соитиро Хонда томонидан асос солинган. У мотоцикллар, автомобиллар, двигателлар ва электрогенераторлар ишлаб чиқариши билан машҳур. Компания штаб-квартираси Токиода жойлашган.