Жиззах вилояти Хотин-қизлар қўмитаси томонидан БМТ ЮНИСEФ Халқаро Болалар фондининг молиявий кўмагида "Жиззах вилоятида болалар фаровонлигининг мониторинги" лойиҳаси амалга оширилмоқда.

Вилоятда оналик ва болаликни муҳофаза қилиш ишларининг самарадорлигини ошириш мақсадида мониторинг гуруҳи тузилиши режалаштирилмоқда, деб хабар беради ҳокимликнинг ахборот хизмати.

Бу орқали мавжуд муаммоларни ҳал этиш учун мониторинг қилиш бўйича ҳаракат режасини ишлаб чиқиш ва амалга ошириш бўйича тегишли ташкилотлар вакиллари ҳамда нодавлат нотижорат ташкилотлар маҳаллий даражасида самарали мониторинг тизимини мувофиқлаштиришга эришилади.

Шунингдек, мазкур лойиҳа доирасида вилоятнинг Арнасой туманидаги “Ғунча”, “Наврўз”, Зомин туманидаги “Дўстлик”, “Бойчечак” ва Жиззах шаҳридаги “Наврўз”, “Шаббода” мактабгача таълим муассасалари танлаб олиниб, ушбу муассасалардаги болалар ўртасида гелминтозлар билан зарарланиш даражасини камайтириш ҳамда келгусида олдини олиш бўйича тарғибот ишлари олиб борилади.