ОАВда “Сенга ошиқман” сериалига яна бир бор танқид тошлари ёғдирилди

Жамият 22 Сентябрь 2015 19147

“Оила даврасида” газетасида чоп этилган “Кўринмас уруш қурбони” номли мақолада Ҳиндистоннинг ўзбекистонлик блогерлар ва журналистларнинг эътирозларига сабаб бўлиб келаётган “Сенга ошиқман” сериали яна бир бор танқид остига олинди. Бу сафар журналист глобалроқ фикрлаб, ушбу сериал билан боғлиқ бир фожиа қурбонининг ўлимида мафкуравий уруш изларини кўрди.

Яқинда Самарқанд вилоятида 12 ёшли бола ўзини осиб қўйгани кўп муҳокамаларга сабаб бўлди. Маълум бўлишича, чекка қишлоқлардан бирида турадиган иккита бола қўй боқиб юрган чоғда айнан шу сериални муҳокама қилишган. Улардан бири картинадаги саҳналардан бирини жонлантиришга ҳаракат қилиб, дарахтга илинган сиртмоққа бўйнини тутиб берган ва тасодиф туфайли осилиб қолган. Унинг ўртоғи қишлоққа бориб, катталарни чақириб келгунига қадар боланинг жони узилган.

“Яқинда тўлқинлар қирғоққа чиқариб ташлаган суриялик уч ёшли Айлон жасадининг фотосуратлари дунё ҳамжамиятини ларзага келтирди. Юртдошларимиз ҳам буни кўзда ёш билан қабул қилишди, бу мурғак жасад тимсолида уруш қораланди. Аммо сериал таъсирида ўзини дарахтга осиб қўйган ўсмир ҳам уруш қурбони эмасми? Фақат кўринмас мафкуравий уруш қурбони! Унинг бўйнига сиртмоқни сериалга қўшилиб кириб келган бузғунчи ғоя солмадими?!”, - деб ёзади муаллиф.

Унинг айтишича, ушбу сериал Ўзбекистонда шу қадар кўп мухлис топганки, ҳамма ёқда у муҳокама қилинмоқда, ҳатто дафтарлар юзига бош қаҳрамон Ишанининг сурати босилиб чиқарилмоқда.

Бундан ташқари, мақолада Қашқадарёда янги туғилган қизига Ишани исмини берган ота-она эсга олинди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20177 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49337 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 1021 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 427 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 1713 Жаҳон
Хитой хорижий инвестицияларга чеклов жорий қилди
23:08 / 21.08.2017 1301 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 2076 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 2349 Технология
Лотин алифбосидан кимлар қўрқади?
22:45 / 21.08.2017 3409 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 3359 Ўзбекистон
Кўпроқ янгиликлар