Марказий банк Ўзбекистон Республикасидаги банкларда ҳисоб рақам очиш тўғрисидаги қарорга ўзгартиш ва қўшимчалар киритилди.

Norma.uz интернет-нашрининг аниқлик киритишича, эндиликда банкда ҳисоб рақам очиш учун инструкцияда кўрсатилгандан бошқа қўшимча ҳужжатлар қабул қилиниши қатъиян тақиқланади. Илгари Ўзбекистон қонунчилигига мувофиқ баъзи вазиятларда тегишли қўшимча ҳужжатлар ҳам сўралиши мумкин эди.

Қайд қилинишича, эндиликда юридик шахс бирор банкдан ҳисоб рақам очганидан кейин бошқа бир банкдан иккиламчи депозит сифатида миллий ва хориж валютасидаги янги ҳисоб рақам очиши мумкин бўлади. Фақат бунинг учун рўйхатга олинган ҳудуддаги солиқ идорасини хабардор қилиш керак бўлади.

Қарор бўйича белгиланган бошқа ўзгаришлар манбада кўрсатиб ўтилган.