Жорий йилнинг 22 сентябрь ҳолатига кўра, “Ўзбеккўмир” АЖ да кўмир қазилиши 2,6 млн. тоннани ташкил этди.

2015 йил январидан 22 сентябрь кунигача бўлган вақт давомида 2,7 млн.тонна кўмир етказиб берилди (95 фоиз), шу жумладан «Ўзбекэнерго» АЖ га 2,2 млн. тонна, бюджет соҳаси ташкилотларига 246,5 минг тонна, аҳолига 167,0 минг тонна, биржа савдолари орқали ва бошқа ташкилотларга 68,8 минг тонна.

Аҳоли, бюджет соҳаси ташкилотларни ва иқтисоднинг реал соҳаси корхоналарини узлуксиз кўмир билан таъминлаш мақсадида, ҳамда кўмирни сотиш бўйича йиғилиб қолган кечикишни қоплаш мақсадида кўмир ва кўмир брикетларини етказиб беришнинг етиб олиш тармоқ жадваллари ишлаб чиқилган ва тасдиқланган, уларга асосан бюджет соҳаси ташкилотлари кўмир ва кўмир брикетлари билан жорий йилнинг 1 ноябригача, аҳоли эса, 1 декабргача таъминланади.

Шунингдек, республика истеъмолчиларига кўмир етказиб берилишини таъминлаш мақсадида 2015 йилнинг январь-22 сентябрь даврида 2,6 минг тонна миқдорида (100,9 фоиз) кўмир етказиб берилди, шу жумладан «Ўзбеккўмир» АЖ бўйича – 2 436 минг тонна (106,1 фоиз), «Апартак» МЧЖ – 68,2 минг тонна (32,3 фоиз), «Шаргункўмир» – 89,1 минг тонна (122,1 фоиз).

Айни вақтда кўмир олувчиларнинг ягона электрон маълумотлар базасини яратиш бўйича иш олиб борилмоқда, у компаниянинг ҳудудий дистрибьютор марказларида ўзбекистонликларга хизмат кўрсатиш вақтини қисқартириш имкониятини яратади. Ҳозирги кунда республиканинг барча вилоятларида ва Қорақалпоғистон Республикасида 14та ҳудудий дистрибьютор маркази яратилган, улар мамлакатнинг барча минтақаларида зарур бўлган омборхона ва маъмурий хўжалик бинолар, автомеханизмлар ва махсус техника билан жиҳозланган, аҳоли ва бюджет ташкилотларга кўмир маҳсулотларини харид қилиш билан шуғулланаётган 72та филиалга эга.