Қозоғистонда 2016 йилда McDonald's ресторанлари тармоғининг биринчи ресторани очилади. Бу ҳақда Қозоғистон ҳудудида ушбу бренддан фойдаланиш ҳуқуқига эга бўлган Food Solutions KZ компанияси маълум қилди, деб хабар бермоқда РИА “Новости” ахборот агентлиги.

Биринчи ресторан Олма-отада “Алатау” кинотеатри ўрнида очилади. Ҳозирда ишламаётган кинотеатр бузиб ташланади. Ушбу ҳолат маҳаллий аҳолининг норозилигига сабаб бўлди.
Ресторан имконияти чекланган одамлар учун меъёрларни ҳисобга олган ҳолда қурилади.
Рестораннинг очилиши шаҳарда 100 га яқин иш ўрни яратишга имкон беради. Ҳозирда ишга қабул қилиниши мумкин бўлган ходимлар тармоқнинг Россиядаги ресторанларида амалиёт ўтамоқдалар. Келгусида компания 20 мингга яқин иш ўрни яратишни режалаштирмоқда.