Россия Премьер-лигасининг 9-турида “Урал” жамоаси ўз майдонида “Краснодар” устидан 3:1 ҳисобида ғалабага эришди. “Урал”нинг мусобақадаги мағлубиятсиз серияси 4 ўйинга етди.

Учрашувнинг 22-дақиқасида мезбон жамоа футболчиси Одил Ахмедов ўйиндаги ҳисобни очди. 36-дақиқада Вячеслав Подберёзкин ҳисобни тенглаштирди.   

69-дақиқада Херсон Асеведо “Урални” ҳисобда олдинга олиб чиқди. 74-дақиқада Пабло Фонтанельо ўйиндаги якуний ҳисобни ўрнатди.

Айни пайтда “Краснодар” 12 очко билан жадвалда 8-ўринни эгалламоқда. “Урал” ҳам 12 очко тўплаган ҳолда 9-ўринда бормоқда.

10-турда “Краснодар” ўз майдонида “Терек” билан, “Урал” эса меҳмонда “Рубин” билан ўйнайди.

Россия Премьер-лигаси 9-тур

Урал (Екатеринбург) – Краснодар (Краснодар) – 3:1

Голлар: Ахмедов, 22 (0:1); Подберёзкин, 36 (1:1); Асеведо, 69 (2:1); Фонтанельо, 74 (3:1).

Турнинг яна бир учрашувида “Динамо” ва “Рубин” жамоалари 0:0 ҳисобида дуранг натижа қайд қилишди.

9-турдан кейин “Динамо” 13 очко билан жадвалда 7-ўринда бормоқда, “Рубин” эса 7 очко билан 12-ўринни эгалламоқда.

Динамо (Москва) – Рубин (Казань) – 0:0

10-турда “Динамо” меҳмонда “Крылья Советов” билан, “Рубин” эса ўз майдонида “Урал” билан тўқнашади.