Россиялик мусулмонлар Мозамбиклик диндошларига Қурбон ҳайитида қурбонлик қилиши учун тахминан 200та қўйга етадиган маблағни юборишмоқда. Бу ҳақда ТАСС Россия Федерацияси Мусулмонлар диний бошқармаси маълумотига асосланиб хабар қилди.

“Биз ҳар бир бош учун 100 доллардан 200та қўйга етадиган маблағни жамғаришга муваффақ бўлдик”, - дея хабар берди бошқарма вакили. Мазкур ташкилот йирик байрамлар арафасида “Закот” хайрия жамғармаси билан ҳамкорликда кам таъминланганлар, нафақахўрлар, ногиронлар ҳамда Африка аҳолиси учун маблағлар йиғади. 2015 йилда аҳолисининг тахминан 18 фоизи исломга эътиқод қиладиган Мозамбик мамлакатига ёрдам кўрсатиш белгиланди.

Эслатиб ўтамиз, 2015 йилда Қурбон ҳайити 24 сентябрда нишонланади.