Шанхай ҳамкорлик ташкилоти Минтақавий аксилтеррорчилик тузилмасининг ижроия қўмитаси Тожикистоннинг генерал Абдуҳалим Назарзода бошчилигидаги террорчилик гуруҳни йўқ қилиш бўйича ўтказган аксилтеррор тадбирларини қўллаб-қувватлашини билдирди.

Сентябрь ойи бошида Тожикистонда мамлакат мудофаа вазирининг собиқ ўринбосари Абдуҳалим Назарзода бошчилигидаги террорчилик гуруҳи мамлакатда вазиятни беқарорлаштириш мақсадида бир нечта стратегик аҳамият эга объектларга ҳужум қилди. Бунинг оқибатда ҳуқуқ-тартибот муассасалари ходимлари ҳалок бўлганди.

Тожикистон мутассади муассасалари мавжуд куч ва воситаларни жалб қилган ҳолда террорчиларни йўқ қилиш бўйича катта миқёсдаги аксилтеррорчилик операциясини ўтказди ва бу тадбирлар 16 сентябрда ўз ниҳоясига етди. Операция давомида Назарзода ва унинг тарафдорлари бартараф этилди.

ШҲТ Минтақавий аксилтеррорчилик тузилмасининг ижроия қўмитаси мамлакатда тинчлик ва барқарорликни сақлашга қаратилган ушбу тадбирларни қўллаб-қувватлади ва “учта бало” – террорчилик, айирмачилик ва экстремизмга қарши курашда ШҲТга аъзо давлатлар масъул муассасаларининг ўзаро ҳамжиҳатлигини мувофиқлаштиришни кучайтиришга тайёрлигига ишонтирди.