Швеция миграцион бошқармаси фаолияти давомида биринчи марта бошқарманинг маълумотлар базасида қайд қилинган бошпана олишга даъвогарлар сони 100 мингдан ошиб кетди. 

Бошқарманинг маълум қилишича бу одамлар орасида ҳали қарор чиқишини кутаётган одамлар ҳам, яқинда қўлларига қарорни олганлар ҳам ва судда яшаш ҳуқуқи рад этилгани бўйича баҳслашаётганлар ҳам бор.

Айни пайтда муҳожирнинг бошпана берилиши ҳақидаги аризасини кўриб чиқишнинг ўртача муддати 10 ойни ташкил қилмоқда. 2010 йилда Сурияда уруш бошланишидан аввал бу муддат 3 марта камроқ бўлган ва уч ойдан ошиб кетмаган.

Жорий йилда Швецияга 65 минг муҳожир келган.