Temiryo’l Sug’urta компанияси узоқ муддат автоҳалокатга учраган шахсга товон пули тўлаб юришдан бош тортиб юрди, аммо жабрланувчи тегишли жойларга мурожаат қилиб, ўз муаммоларини ҳал қилишга эришди, деб хабар беради Истеъмолчилар ҳуқуқини ҳимоя қилиш жамияти ахборот ва матбуот хизмати.

Хизмат мутахассиси Феруза Умрзоқованинг тушунтиришича, компания автомобиль ҳалокати учун 18 млн сўм тўлаб бериши керак бўлган, аммо бу ишни пайсалга солиб келган. Бу билан у “Истеъмолчилар ҳуқуқларини ҳимоя қилиш тўғрисида”ги қонуннинг 3,21-моддаси талабларини бузган.

Жабрланувчи, Қувадаги Тераксой қишлоғида истиқомат қилувчи Охунжон Шерматов бунинг юзасидан қаерга мурожаат қилишини билмай, “Бозор ва истеъмолчи” газетасига мактуб йўллаган. Мактуб газета таҳририяти томонидан жамиятга киритилган. Бунинг натижасида иш кўриб чиқилиб, товон пули ундириб берилган.