Кўп маҳсулотларда сақланувчи, шакар ўрнини босувчи сунъий ширин таъм берувчилар саратон келтириб чиқариши мумкин, деган тушунча мавжуд. Бироқ бу фикр унча ҳам тўғри эмас, яъни кўпчилик маҳсулотлар ва ичимликларда сақланувчи сунъий ширин таъм берувчилар унчалик хафвли эмас.

20-асрнинг иккинчи ярмида ўтказилган тадқиқотлар натижасида ўша пайтда кенг тарқалган шакар ўрнини босувчи сахарин ва аспартамга тамға қўйилди. Гап фақатгина уларнинг шакар каби семизликка олиб келишидагина эмас: гўёки улар саратонга ҳам олиб келиши таъкидланган. Сахарин билан боғлиқ вазиятида каламушларда тажрибалар ўтказилди: сунъий ширин таъм берувчи оқибатида уларда бош мия ўсимтаси юзага келди. Натижада бу тадқиқотлар текширилгунига қадар омма онгида сахарин хавфли нарсага айланиб бўлди.

Кейинроқ ўтказилган синовларда каламушлардан фарқли ўлароқ, сунъий ширин таъм берувчилар инсонларда саратон ўсмалари пайдо бўлиши эҳтимолини оширмаслиги маълум бўлди. Яъни сахарин ва аспартам инсон физиологияси ва хатти-ҳаракатига таъсир килмаслиги уч марта: 1994, 1998 ва 2007 йилларда исботланди. Бундан фақатгина фенилкетонурия ирсий касаллигига эга одамлар истиснодир, чунки улар аспартамда сақланувчи фенилаланинни кам миқдордагина кўтара оладилар.

Бироқ ростини айтганда, сорбитол ва маннитол каби баъзи сунъий ширин таъм берувчилар агар уларнинг истеъмоли чекланмаса, шакар каби зарарли бўлиши мумкин. Шакардан ташқари қўшимча сунъий ширин таъм берувчилар қўшилган маҳсулот ва ичимликлар юрак-қон тизими, иккинчи тур қанд касаллиги ва семириш каби касалликларга олиб келиш эҳтимоли мавжуд.

Шак-шубҳасиз, бу диетик газли ичимликни чекланмаган миқдорда истеъмол қилиш учун сабаб бўла олмайди, бироқ бундай ичимлик ва оддий шакар қўшилган ичимлик орасида танлаш керак бўлса, унда биринчисини истеъмол қилган маъқулроқ, деб тавсия қилишмоқда олимлар.