2015 йилда 4 минг 185 нафар Қирғизистон фуқароси ҳаж ибодатини адо этмоқда. Бу ҳақда 24.kg ахборот агентлиги Мусулмонлар диний идораси хабарига асосланиб хабар бермоқда.

Уларнинг маълумотига кўра, яқинда Саудия Арабистони қўшимча равишда Қирғизистон учун 500та квота ажратди.

“Квоталар навбатлар мавжуд бўлган ва кўпроқ аризалар келиб тушган ҳудудларга ажратилди. Натижада 16-17 сентябрь кунлари юртдошларимиз Маккага учиб кетишди. Аввалроқ биз барча квоталардан фойдалана олмаймизми, деган хавотирда эдик. Виза олишда ва парвозлар билан боғлиқ муаммолар бўлди, аммо биз ўз муддатларида улгурдик”, - дея ойдинлик киритилди.

Ўтган йили Саудия Арабистони Қирғизистон учун 3685 ўрин ажратган эди. Номзодларни танлаш электрон қуръа ташлаш йўли билан амалга оширилди.