6 йил ичида Ўзбекистон ва Хитой ўртасидаги товар айирбошлаш ҳажми уч марта ошди

Ўзбекистон 23 Сентябрь 2015 1024

Тошкентда Ўзбекистон ва Хитой ишбилармон доиралари вакиллари иштирокида бизнес-форум бўлиб ўтди. Бизнес-форум Ўзбекистон Республикаси Савдо-саноат палатаси ва Хитой Халқ Республикасининг мамлакатимиздаги элчихонаси томонидан ташкил этилди. Бу ҳақда УзА хабар берган.

Унда икки мамлакат вазирлик ва идоралари, машинасозлик, электротехника, нефть-кимё, энергетика, озиқ-овқат саноати, қишлоқ хўжалиги, қурилиш, транспорт ва логистика соҳаларида фаолият кўрсатаётган концерн ва компаниялар вакиллари иштирок этди.

Икки давлат раҳбарлари учрашувлари чоғида эришилган келишувлар ўзаро манфаатли ҳамкорликда муҳим ҳуқуқий асос бўлаётгани таъкидланди. Шу йилнинг сентябрь ойида Президентимиз Ислом Каримовнинг Хитойга ташрифи икки томонлама муносабатларни мазмунан бойитиш ва ўзаро манфаатли ҳамкорликни янада мустаҳкамлашга хизмат қилмоқда.

"Ўзбекистон ва Хитой ўртасида янада қулай ҳамкорлик муносабатлари яратишга амал қилинмоқда. Сўнгги олти йилда икки томонлама товар айирбошлаш ҳажми уч марта ошиб, 2014 йилда бу кўрсаткич 4,7 миллиард АҚШ долларига етди. Жорий йилнинг биринчи ярмида товар айирбошлаш ҳажми ўтган йилнинг шу даврига нисбатан 11,7 фоиз ўсди. Ўзбекистонда Хитой инвестицияси иштирокида ташкил этилган 482 қўшма корхона, 70дан зиёд компания ваколатхонаси фаолият юритмоқда", – дейди Хитой халқаро савдо тараққиётига кўмак бериш кенгаши раиси ўринбосари Лью Пенгчи.

Бугун мамлакатларимиз барча соҳалар, жумладан, юқори технологиялар тармоғи бўйича турли лойиҳаларни амалга оширишда фаол ҳамкорлик қилмоқда. Ушбу жараёнда “Навоий” эркин индустриал-иқтисодий зонаси, “Ангрен” ва “Жиззах” махсус индустриал зоналари муҳим ўрин тутмоқда. Чунончи, “Жиззах” махсус индустриал зонасида хитойлик тадбиркорлар билан ҳамкорликда мобиль телефонлар, қурилиш материаллари ва талаб юқори бўлган бошқа маҳсулотлар ишлаб чиқарилаётир.

Бизнес-форумда турли соҳаларда ўзаро манфаатли ҳамкорликни янада кенгайтиришга йўналтирилган қатор инвестициявий келишувлар имзоланди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 45403 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15318 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95340 Ўзбекистон
Барселонадаги теракт ва Каталониянинг Альканар шаҳридаги портлашлар ўзаро боғланган бўлиши мумкин
08:18 2 Жаҳон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 185 Жаҳон
Европада Барселонадаги терактлардан кейин хавфсизлик чоралари кучайтирилди
08:01 267 Жаҳон
Барселона яқинида яна бир теракт амалга оширилди
07:08 1652 Жаҳон
Барселонадаги теракт учун жавобгарликни ИШИД ўз зиммасига олди
07:03 1631 Жаҳон
Хитойдаги кимё заводида кучли портлаш юз берди
00:33 3032 Жаҳон
Кекса немис Исландияга эски тракторда саёҳатга жўнади
00:24 1972 Жамият
Кўпроқ янгиликлар