Ўтган ҳафта мобайнида республикамиз ҳудудида 246та ёнғин содир бўлди.

Турли сабабларга кўра содир бўлган ёнғинларда 8 нафар фуқаролар тан жароҳатлари олишган ва 3 нафар фуқаро ҳалок бўлган.

ИИВ ахборот хизматининг маълум қилишича, ушбу ёнғинларда 657 млн. сўмдан ортиқ қурилиш материаллари ва 710 млн. сўмга яқин моддий бойликлар ёнғиндан сақлаб қолинган.

Тошкент вилояти Бўстонлиқ туманида яшовчи фуқаро А.Хошимовнинг уйида ёш болаларнинг шўхлиги оқибатида ёнғин содир бўлиб, уйнинг 90 кв. метр майдонда томи ва шифт қисми ёниб зарарланган.

Сурхондарё вилояти Денов туманида яшовчи фуқаро С.Шокировнинг уйида электр симларнинг қисқа туташуви натижасида ёнғин содир бўлиб, уйнинг 105 кв. метр майдонда томи, шифт қисми ва уй-жиҳозлари ёниб зарарланган.