Ўзбекистонда давлат секторига ахборот-коммуникацион технологияларнинг жорий қилинишини баҳолашнинг янги методикаси лойиҳаси ишлаб чиқилди. Бу ҳақда “Электрон ҳукумат” тизимини жорий қилиш марказига таянган ҳолда Sputnik агентлиги хабар қилмоқда.

Бугунги кунда давлат органлари фаолиятига ахборот-коммуникацион технологияларнинг жорий қилиниши тегишли параметрларга кўра баҳоланади, булар сирасига сайтнинг, ахборот тизимининг, электрон ҳужжат айланмасининг мавжудлиги, интерфаол хизматлар ва маълумотлар хавфсизлиги даражаси киради.

“Электрон ҳукуматнинг юқори даражадаги ривожланишига эришган Сингапур, Австралия, Жанубий Корея сингари давлатларнинг тажрибасини инобатга олган ҳолда амалдаги тизимни такомиллаштириш вақти келди”, - деди агентликнинг манбаси.
Айтилишича, лойиҳа ахборот ва коммуникацион технологиялар вазирлигида кўриб чиқилмоқда.