Сурия бўйича навбатдаги музокаралар октябрда яна Остонада ўтказилиши режалаштирилмоқда. Бу ҳақда ТАСС ахборот агентлиги мухбирига Қозоғистон Ташқи ишлар вазирлигида маълум қилинди.

Вазирликда Қозоғистон “Суриядаги вазият юзасидан жиддий хавотирланиш” билдираётгани таъкидлаб ўтилди.

Шу муносабат билан республика раҳбарияти Сурия муҳолифати вакилларидан Қозоғистонга келиб тушган мурожаат асосида музокаралар учун майдон тақдим қилиш қарорини қабул қилди. “Биз бундай учрашувлар Сурияда қон тўкилиши барҳам топишига ёрдам беради, деб умид қиламиз”, деб таъкидлаб ўтди ТИВ матбуот хизмати вакили.
Манба ҳали учрашув иштирокчилари таркиби ҳақида маълумотга эга эмаслигини таъкидлаб ўтди.

2015 йил май ойида ҳам Остонада Сурия муҳолифати вакиллари музокараси бўлиб ўтган эди. Бу учрашув натижаларига кўра Остона декларацияси қабул қилинган эди. Музокаралар иштирокчилари Суриядаги можаро сиёсий йўл билан ҳал қилиниши кераклигига рози бўлишган эди.