Илгарироқ ўқувчиларимизга “Бозор ва истеъмолчи” газетасида келтирилган маълумотга таянган ҳолда Temiryo`l Sug`urta МЧЖ фуқаро Шерматов Охунжонга 18 млн сўм миқдоридаги суғурта товонини тўлашдан бош тортгани, фуқаро томонидан тегишли жойларга мурожаат қилинганидан сўнг суғурта товони ундириб берилгани ҳақида маълумот берилган эди.

Temiryo`l Sug’urta МЧЖ томонидан таҳририятимизга йўлланган мактубда бу маълумотларнинг ноаниқлиги, О. Шерматовнинг аризаси белгиланган тартиб ва муддатда кўриб чиқилиб, суғурта товони вақтида тўлаб берилгани таъкидланган. Шунингдек, таъкидланишича, МЧЖ вакиллари газета таҳририятига мурожаат қилиб, ушбу ахборотни асослаб беришни талаб қилганида, қониқарли жавоб берилмаган.

Шуларни инобатга олган ҳолда, шунингдек, хатда таъкидланганидек, “аҳолининг ривожланаётган Ўзбекистон суғурта бозорига ишончининг пасайишига” сабаб бўлиши мумкин бўлган бу маълумотнинг ноаниқ ва нотўғрилиги Temiryo`l Sug`urta МЧЖ томонидан эътироф этилганини таъкидлаймиз.

Ушбу мактубни раддияга илова қиламиз.