Хоразмда шифокорнинг сусткашлиги туфайли икки ойлик чақалоқ ҳалок бўлди

Жамият 23 Сентябрь 2015 3851

Хоразмнинг Қўшкўпир туманида икки ойлик чақалоқ шифокорнинг сусткашлиги туфайли ҳалок бўлди. Воқеа тафсилотлари “Даракчи” нашрида келтирилди.

Шу туманда истиқомат қилувчи Наргиза Сафарбаеванинг газетага мурожаатида айтилишича, у фарзанди билан тумандаги болалар шифохонасига ётган. Болага 8 кун мобайнида олий тоифали шифокор Ҳалима Аҳмедова қараб борган. 9-куни улар шифохонадан чиқарилган, аммо шу куннинг ўзидаёқ боланинг соғлиғи яна ёмонлашган. Унинг иситмаси чиқиб, ичи кетиб, юраги ва ўпкаси ишдан чиққан. Иккинчи бор жонлантириш бўлимига ётқизилган чақалоқ, икки ойлик Раҳимова Ҳилола оламдан ўтган.

Соғлиқни сақлаш вазирлиги оналик ва болаликни муҳофаза қилиш бош бошқармаси бошлиғи Саидмурод Исмоиловнинг сўзларига қараганда, бу фожиада даволовчи шифокор Ҳ. Аҳмедова томонидан сусткашликка йўл қўйилган. У даволаш жараёнини нотўғри олиб бориши билан бирга, беморнинг аҳволи яхшиланмасдан туриб унга жавоб берган. Бундан ташқари, унинг шифохонадан чиқарилгани тўғрисида қишлоқ врачлик пунктига хабар бермаган.

Митти боланинг ўлимига айбдор бўлган шифокорга нисбатан интизомий чора кўрилгани таъкидланди. Лекин бу “интизомий чора” уни ТТБ болалар бўлими шифокорлигидан озод қилиниб, Қўшкўпир туман тиббиёт бирлашмасининг КТМПга участка педиатри вазифасига ўтказишдан иборат бўлган. Ушбу лавозимда ҳам Ҳ. Аҳмедова навбатдаги сусткашликка йўқ қўйиши мумкинлиги ва навбатдаги фожиага сабабчи бўлиши мумкинлиги эътиборга олинмаган кўринади.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар