Агар АҚШ иттифоқ таркибига Сурия президенти Башар Асадни олмаса, Россия ИШИДга халқаро коалиция билан ҳаракатларини мувофиқлаштирмаган ҳолда авиазарбалар беришни бошлаши мумкин. Бу ҳақда Bloomberg агентлиги хабар бермоқда.

“Россия мантиқ устун келишига ва Обама Путин узатган қўлни ушлайди деган умидда. Аммо бу амалга ошмаган тақдирда ҳам Путин ҳаракатида давом этади”, - деди Россия стратегик тадқиқотлар институти Осиё ва Яқин Шарқ маркази раҳбари Елена Супонина.

АҚШ, ўз навбатида, Россия самолётлари билан кутилмаган тўқнашувлар содир бўлмаслиги учун барча ҳаракатларни мувофиқлаштириш тарафдори, деб ҳисоблайди агентлик.