Европа Иттифоқи БМТнинг Яқин Шарқда қочқинларга ёрдам бериб келаётган идораларига 1.1 млрд евро ёрдам кўрсатади. Бу ҳақда Еврокенгаш раҳбари Дональд Туск миграция бўйича фавқулодда йиғилишда маълум қилди.

Ўз навбатида, Еврокомиссия раиси Жан-Клод Юнкер Туркияга 1 млрд, Македонияга 700 млн, ЕИ давлатларига 100 млн, “Фронтекс” ва Европолга 600 млн, Халқаро озиқ-овқат дастурига 200 млн, тўғридан-тўғри гуманитар ёрдам кўрсатишга эса 300 млн евро ажратилишини маълум қилди.