АҚШ ва Россия президентлари кейинги ҳафтада БМТда учрашадилар, деб ТАСС ахборот агентлигига хабар берди вазиятдан хабардар манба.

Россия президенти Владимир Путин БМТ Бош ассамблеясининг 70-юбилей сессиясида иштирок этади ҳамда 28 сентябрда умумсиёсий музокаралар доирасида нутқ сўзлайди.

Оқ уй Обама ва Путин учрашиши ҳақидаги хабарни ҳозирча тасдиқламади.

Аввалроқ Россия президенти матбуот котиби Дмитрий Песков Путин БМТга ташрифи давомида БМТ бош котиби Пан Ги Мун билан учрашишини маълум қилган эди.

Песков Путин бошқа учрашувларни ўтказишни режалаштираётганини, хусусан Обама билан, аниқлаштириш юзасидан берилган саволга бундай учрашувлар бўлиб ўтиши ҳақидаги маълумот тасдиқланиши биланоқ тегишли ахборот тақдим қилинишини айтди.