Рафаэль Бенитес: Бенземага бу мавсумда камида 20та гол уриш вазифаси топширилган

Спорт 24 Сентябрь 2015 1171

"Реал" жамоаси бош мураббийи Рафаэль Бенитес "Атлетик"ка қарши сафарда кечган ғалабали ўйин (2:1) ҳақидаги фикрларини билдирди.

Ушбу ўйинда мадридликлар сафида 2 голга ҳам Карим Бензема муаллифлик қилди ва ғалабани таъминлади. Ушбу ҳужумчи Испания чемпионатидаги 4 учрашувда 5та гол урди ва бу борада жамоадоши Криштиану Роналду билан тенглашиб олди.

"Биз ғалаба қозондикми, демак жамоа барчасини тўғри бажарган. Айниқса биринчи таймда футболчилар яхши ўйин кўрсатишди. Иккинчи таймда эса кучни тежаб ўйнадик.
Бензема юқори тоифали ҳужумчи. У Роналду билан яхши жуфтлик ҳосил қилади. Улар кўплаб хавфли вазиятлар яратишди. Бенземага жорий мавсумда 20-25та гол уриш топшириғи юклатилган.
Жамоанинг ўйини истаганимдек ривожланмоқда. Одамлар Бильбаода бизни жиддий синов кутаётгани ҳақида айтишаётганди. Биз бу синовдан аъло баҳо билан ўтдик, дейишим мумкин.
Ковачичнинг ўйинларини ҳам алоҳида эътироф қилишим керак. Мен уни Италияда ишлаган вақтим синчиклаб ўргангандим ва унинг жамоага нима бера олишини яхши биламан", дейди Бенитес.

Кўпроқ янгиликлар